男烧衣的词内容

男烧衣（词）：

闻得妹你话死咯，我实在见悲伤，妹你为因何故，搅到自缢悬梁，人话你死呢，我尚思疑，我唔信佢讲，今日果然你左咯，我实惨伤，妹呀，你死因银几十两，把我旧情一旦附落水茫茫，唔望与娇你弹共唱，唔望叫艇游河赏珠江，唔望八月中秋仝把月赏，唔望龙舟佳节共你看斗龙航，我话身契帮你属返同你上岸，更话两个月就带妹你从良，今日怨恨几尺红罗将你命丧，纵有黄金万两难以买你还阳，呢阵天跌一个落黎唔慌我重想，人话靓时唔见妹你靓得咁心伤，今晚夜月明星又朗，不若叫只小舟将水陆放，等你早登仙界直上慈航。

忙解缆，出到江滨，又见江枫渔火照愁人，各物摆齐兼果品，你前来鉴领我情深，烧页纸钱珠泪恶忍，烧到衣裳首饰共金银，烧到童男童女等你相亲近，你落去服侍主人要听佢酌斟，佢高声叫你要低声应，切勿顽皮驳嘴激著主人，重有锁匙一大能(串)，帮过收埋系你襟，烧到个盒胭脂和水粉，烧埋几套百褶罗裙，烧到锺笼鬼子台重有酸枝凳，烧到刨花兼软文，烧到拣妆一个照妹孤魂。

烧到芽兰带，重有个对绣花鞋，可恨当初唔好无早日带你埋街，免使你在青楼多苦捱，咁好沉香当烂柴。呢条芽兰带，小生亲手买，可惜对花鞋重绣得咁佳。我地八月中秋同把月拜，重话二人衾枕永和谐，妹呀几十两既纹银系你(才罗)命债，咁样无端把妹你命哂，愈思愈想心痛坏。珠泪流唔哂，妹呀惨过孤舟无左轪，点得梦中魂魄共我讲几句情怀。

烧到被铺蚊帐，系出自杭州，重有香珠一串十八子搭在妹枕头，我唔望鸳鸯同聚首，见物思人惨把魂钩，妹呀你在黄泉曾否念旧，两家情爱有无附水流。烧到白铜烟带与共银縺扣，人话水烟至靓出在兰州，你得闲无事装返两口，得来阴府可以解烦愁。烧到烟枪烟托

雷州斗，又来烧到烟屎钩，重有局沙一盏光明透，但凡灯暗你要自己添油，呢盒公烟原本系旧架，馨香翳腻可以解得烦忧，你清闲无事燂返几口，不妨阴府自己绸缪。

咁多物件烧来交你手，你关防门户莫畀人偷，妹你生前所用般般都有，喉咽哽(呕)，点得黄泉共妹你叙首，点得霎时相会在抬头。

再酌酒，奠妹你粧台，愿妹你前来鉴我一杯，饮过此杯离苦海，等你早登天界系直上蓬莱。哭极咁多唔见你会，莫非你将我情义当系薄幸王魁，此情一去难复再，我胸前一拍自见痴呆。

又到艇嫂上前同君抹泪，叫声(白：大相呀、大相、大相呀)你咪咁悲哀，人话男子心肠多别改，(白：唉呀)我睇君你情义的确无人陪，

你睇蜡烛替君流血泪，半天仙鹤渡郎追，你不如忍泪埋街去，奴奴情愿共你为媒，你既有真心宁守耐，我找寻一个重靓过花魁，多情愁无多情配咩。免令今夜自己痴呆，唉呀(祝捍笙嘌?你快些抹乾银泪，老身立即棹你回。(白：咁你坐稳艇喇下)

忙转艇，快如云，双桨齐摇海面奔，海阔(白：今晚风狂喎)呀大相你坐稳，奴奴共你讲几句时文，呢我地隔离街有个叫做逢人恨，佢脚又细时满手黹针，年方二八又识书礼呀，(白：佢好靓架)诗辞歌赋件件皆能。因为前时有位少爷把佢婚姻问，(白：佢就唔肯喎)佢要拣多情男子正合得佢心，佢话多情要拣多情衬(白：咁话喎)，佢话多情人仔就不拘礼银，重话两家真情至得烟韧(白：咁话既)，重话男情女义合相登，离舟登陆咯(白：呀大相)你要行稳，保重要紧，保重要紧。咁我鹊桥高架起，等你直上浮云。